Хувьцаа эргүүлэн авах
2024-04-24
“ГОВЬ” ХУВЬЦААТ КОМПАНИЙН ХУВЬЦАА ЭЗЭМШИГЧДИЙН АНХААРАЛД
“Говь” ХК-ийн нөлөө бүхий хувьцаа эзэмшигч “Таван Богд Холдингс” ХХК-ийн хувьцааны эзэмшил 75 хувийг давсан тул Төлөөлөн удирдах зөвлөл (ТУЗ)-ийн ээлжит хурал 2024 оны 04 дүгээр сарын 19-ний өдөр хуралдаж Компанийн тухай хуулийн 53, 54 дүгээр зүйлд заасныг үндэслэн бусад хувьцаа эзэмшигчдийн хувьцаагаа эргүүлэн худалдаж авахыг компаниас шаардах эрхийг хэрэгжүүлэх шийдвэр гаргаж, тус шийдвэрээр “Таван Богд Холдингс” ХХК-д хувьцаа худалдан авах зөвшөөрлийг олгосонтой холбогдуулан “ХУВЬЦААГ ЭРГҮҮЛЭН ХУДАЛДАЖ АВАХ” ажиллагааг зохион байгуулж байна.
Хувьцаагаа эргүүлэн худалдан авахыг шаардах тухайд
“Говь” ХК-ийн ТУЗ-өөс эргүүлэн худалдаж авах нэгж хувьцааны үнийг 268.26 төгрөгөөр тогтоож хувьцаагаа эргүүлэн худалдаж авахыг компаниас шаардах эрх үүссэн өдрийг 2024 оны 03 дугаар сарын 15-ны өдрөөр хувьцаа эзэмшиж байсан хувьцаа эзэмшигч гаргахаар тус тус тогтоосон.
Хувьцаагаа эргүүлэн худалдах хүсэлтэй эрхэм хувьцаа эзэмшигч та нэгж хувьцаагаа 268.26 төгрөгөөр тооцож компанид эргүүлэн худалдах бол дараах мэдээллийг ажлын 30 хоногийн дотор буюу 2024 оны 04 дүгээр сарын 24–ний өдрөөс эхлэн 2024 оны 06 дугаар сарын 05-ны өдрийг дуустал хугацаанд “Таван Богд Капитал ҮЦК” ХХК болон “Говь” ХК-д доорх бичиг, баримттайгаа очиж хүсэлтээ гаргах, эсхүл холбогдох маягтыг бөглөн цахим хаягаар ирүүлнэ үү.
Бүрдүүлэх бичиг баримт:
“Говь” ХК-ийн хувьцааг худалдан авах шаардах эрхийг хэрэгжүүлэх журмын Хавсралт №1 буюу “Хувьцаа эзэмшигч нь өөрийн эзэмшлийн хувьцааг эргүүлэн худалдаж авахыг компаниас шаардах эрхийг хэрэгжүүлэх хүсэлт” – хүсэлтийн маягтыг info.gobi.mn веб хуудасны Хувьцаа эзэмшигчид цэсний ХУВЬЦАА ЭРГҮҮЛЭН АВАХ хуудаснаас татаж авч бөглөх эсхүл доорх хаягаар очин бөглөх боломжтой.
Хувьцаа эзэмшигч иргэний тухайд:
- Иргэний үнэмлэхийн хуулбар эсхүл лавлагаа;- Хувьцаа эзэмшигч хуулийн этгээд бол:
- Хуулийн этгээдийн улсын бүртгэлийн гэрчилгээний хуулбар;
- Шууд төлөөлөх эрх бүхий этгээд биш бол Итгэмжлэл.
Хүсэлт хүлээн авах хаяг:
| № | Хүсэлт хүлээн авагч | Цаасан хэлбэрээр хүлээн авах хаяг | Цахим хэлбэрээр хүлээн авах хаяг | Холбоо барих утас |
| 1 | “Таван Богд Капитал ҮЦК” ХХК | Улаанбаатар хот, Сүхбаатар дүүрэг, 8-р хороо, Их эзэн Чингис хааны нэрэмжит талбай-16, “Галлериа-Улаанбаатар” худалдаа үйлчилгээний төвийн зүүн жигүүр, 1 давхарт, “Таван Богд Капитал ҮЦК” ХХК | cr@tavanbogdcapital.com | 7272-7282, 94005595 |
| 2 | “Говь” ХК | Улаанбаатар хот, Хан-Уул дүүрэг, 3-р хороо, Үйлдвэрийн гудамж, “Говь” ХК | boardoffice@gobi.mn | 94118277, 94995750 |
Хүсэлт хүлээн авагч
“Таван Богд Капитал ҮЦК” ХХК
Цаасан хэлбэрээр хүлээн авах хаяг
Улаанбаатар хот, Сүхбаатар дүүрэг, 8-р хороо, Их эзэн Чингис хааны нэрэмжит талбай-16, “Галлериа-Улаанбаатар” худалдаа үйлчилгээний төвийн зүүн жигүүр, 1 давхарт, “Таван Богд Капитал ҮЦК” ХХК
Цахим хэлбэрээр хүлээн авах хаяг
cr@tavanbogdcapital.com
Холбоо барих утас
7272-7282, 94005595
Хүсэлт хүлээн авагч
“Говь” ХК
Цаасан хэлбэрээр хүлээн авах хаяг
Улаанбаатар хот, Хан-Уул дүүрэг, 3-р хороо, Үйлдвэрийн гудамж, “Говь” ХК
Цахим хэлбэрээр хүлээн авах хаяг
boardoffice@gobi.mn
Холбоо барих утас
94118277, 94995750
Жич: Дээрх хүсэлтийг хувьцаа эзэмшигч нь “Говь” ХК-д гаргаснаар хувьцаа эзэмшигчийн хувьцаанд ногдох мөнгөн хөрөнгийг тухайн хувьцаа эзэмшигчийн Үнэт цаасны төвлөрсөн хадгаламжийн байгууллага дахь дансанд шилжүүлж, хувьцаа эзэмшигчээс хасагдсанд тооцох болно.
Хувьцааг эргүүлэн худалдан авах ажиллагааны талаар асууж тодруулах зүйл, санал хүсэлтээ дээрх хаяг болон утсаар ажлын өдрийн 09:00-18:00 цагийн хооронд холбоо барина уу.