бидний тухай

КОМПАНИЙН ТАНИЛЦУУЛГА

“Говь” хувьцаат компани нь 1981 оны 9 сарын 5-ны өдөр үүсгэн байгуулагдсан ба хэрэглэгчдийнхээ таашаалд нийцсэн төгс загвар, чанарыг эрхэмлэн дэвшилтэд технологийг нэвтрүүлж, Монгол ноолуурыг дэлхийд таниулж буй үндэсний ууган үйлдвэрлэгч билээ.

Ямааны ноолууранд цогц боловсруулалт хийж, бүтээгдэхүүн үйлдвэрлэн борлуулах чиглэлээр үйл ажиллагаагаа тасралтгүй явуулж, Монгол улсын эдийн засаг, хөнгөн үйлдвэрийн хөгжилд тодорхой хувь нэмэр оруулсаар байна.

Говь ХК түүх
Говь ХК түүх
Говь ХК түүх
Говь ХК түүх

БИДНИЙ ЗОРИЛГО

Говь ХК нь хүний хөгжил, технологиор тэргүүлэн, хэрэглэгч, харилцагчдын сэтгэл ханамжийг хамгийн өндөрт хүргэж, хөрөнгө оруулагч, ажилтнуудын үнэ цэнтэй байгууллага байна.

 

Алсын хараа: 

Амьдралын алхам бүрийг ноолууртай хамт

 

Эрхэм зорилго: 

Загварлаг, чанартай, нийцэмжит үнэтэй ноолууран хувцсаа дэлхийд таниулж, хүн бүрийг гоёно

 

Үнэт зүйлс: 

ХҮНДЭТГЭЛ: Бид олон талт ялгаатай байдлыг хүлээн зөвшөөрч, нээлттэй бөгөөд харилцан хүндэтгэлтэйгээр санал бодлоо солилцдог.

ГАЛ ЭРМЭЛЗЭЛ & ЧИН СЭТГЭЛ: Бид хийж бүтээх чин сэтгэл, зорилгодоо хүрэх тууштай хүсэл эрмэлзэл дүүрэн хамт олон.

ШУДАРГА & ИЛ ТОД БАЙДАЛ: Бид бүх талуудын оролцоог ижил түвшинд чухалчлан, үйл ажиллагааны ил тод байдлыг эрхэмлэдэг.  

ТӨГӨЛДӨРШИЛ & ХАРИУЦЛАГА: Бид нийгэм, хүрээлэн буй орчин, оролцогч талуудад болон хийсэн үйлдэл, үр дүндээ хариуцлагатай хандаж, тогтвортой хөгжлийн зорилгод тэмүүлж ажилладаг. 

БҮТЭЭЛЧ БАЙДАЛ: Бид шинэ санаа, бүтээлч өөрчлөлтийг эрэлхийлж, хүлээлтээс давсан үр дүн рүү тасралтгүй тэмүүлдэг.

 

Уриа үг: 

Ноолууран хувцсыг хүн бүрд

БИДНИЙ ҮНЭ ЦЭН

ХҮНИЙ НӨӨЦ: Говь ХК-ийн гол нөөц болох хүний нөөцийг бүрдүүлэх, сургаж хөгжүүлэх, нийгмийн баталгааг хангах замаар өндөр гүйцэтгэлд суурилсан бүтээлч, чадварлаг, тогтвор суурьшилтай хамт олныг бий болгон байгууллагын тогтвортой хөгжлийг хангана.

 

ОЮУНЫ НӨӨЦ: Говь ХК-ийн ирээдүйн үнэ цэнийн баталгаа бол бидний оюуны өмч, брэндүүд, зах зээлд эзлэх байр суурь, технологийн нөү-хау юм.

 

БАЙГАЛИЙН НӨӨЦ: Бидний үнэ цэн бүтээх үйл явцад ашиглагддаг шавхагддаг болон шавхагдашгүй нөөцүүд болох түүхий ноолуур, бэлчээр, ус, агаар, хөрс зэргийг бид тогтвортойгоор, зохистойгоор ашиглах нь ирээдүйн сайн сайхны үр үндэс юм.

 

САНХҮҮГИЙН НӨӨЦ: Өөрсдийн үйл ажиллагааны болон дотоод гадаадын банк санхүүгийн байгууллагын эх үүсвэрийн оновчтой менежментээр бид санхүүгийн нөөцөө бүрдүүлнэ.

 

ҮЙЛДВЭРИЙН НӨӨЦ: Түүхий ноолуураас бэлэн бүтээгдэхүүн хүртэлх цогц боловсруулалт, үйлдвэрлэлийн явцад хэрэглэгдэх байгальд ээлтэй дэвшилтэт технологи бүхий тоног төхөөрөмжүүд, техник технологи болон аюулгүй ажиллагаа бол бидний чухал нөөцүүдийн нэг юм.

 

НИЙГЭМ ХАРИЛЦААНЫ НӨӨЦ: Говь ХК-ийн бусад бүх оролцогч талуудтай үүсгэх тогтвортой, харилцан хүндэтгэсэн харилцаа нь компанийн үйл ажиллагааны тогтвортой байдал, тасралтгүй хөгжлийн суурь юм.

ҮЙЛ АЖИЛЛАГААНЫ ЗАРЧИМ

Шударга, ил тод, нээлттэй

 

Хууль, дүрмийг чандлан сахиулна

 

Хүний эрхийг дээдэлнэ

 

Бүтээлч сэтгэлгээг хөгжүүлнэ

 

Байгаль орчинд ээлтэй үйл ажиллагаа явуулна