Яагаад Говь ХK-д хөрөнгө оруулах вэ?

Дэлхийд гайхагдсан монгол брэнд

“Говь” ХК нь малчны гар дээрээс түүхий эдээ бэлтгэн боловсруулахаас эхлээд эцсийн бүтээгдэхүүн болж хэрэглэгчдийн гар дээр очих хүртэлх бүхий л шатны үйлдвэрлэл, дамжлагыг цогцоор нь хийж гүйцэтгэдэг. Бид үйл ажиллагааны шатлал бүртээ тогтвортой үйлдвэрлэлийг тэргүүлэх чиглэлээ болгодог бөгөөд Монгол ноолуурын тав тух, тансаг мэдрэмжийг дэлхийд таниулж ноолууран хувцсаар хүн бүрийг гоёхыг зорилгоо болгон ажиллаж байна.

gobi about us
gobi about us
gobi about us
gobi about us

Тасралтгүй хөгжил дэвшил

Бид бизнесийн үйл ажиллагаа болон үйлдвэрлэлийн процесстоо технологийн дэвшлийг тогтмол нэвтрүүлэн, бүтээгдэхүүн хөгжүүлэлтийг тасралтгүй хийн дэлхийн хэрэглэгчдэд Монгол ноолуурыг хүргэнэ.

Компанийн засаглал

Монголын хөрөнгийн биржийн 1-р ангилалд бүртгэлтэй “Говь” ХК нь бүхий л оролцогч талуудынхаа эрх ашгийг дээдэлж, засаглалын сайн туршлагуудыг хэрэгжүүлэн, үйл ажиллагааны болон санхүүгийн ил тод нээлттэй, шударга зарчмыг баримтлан ажиллаж хөрөнгө оруулагч, хувьцаа эзэмшигчдийнхээ хувьд тогтвортой бөгөөд урт хугацааны үнэ цэнийг бүтээнэ.

gobi about us
gobi about us
gobi about us
gobi about us

Өсөлтийг авчрах стратеги

Бид дэлхийн зах зээл рүү чиглэсэн стратеги төлөвлөлтийг боловсруулан, Говь брэндийг зөвхөн Монголоос бус дэлхийн аль ч улсаас худалдан авч, хурдан шуурхай гэртээ хүргүүлэн авах боломжийг бүрдүүлэхээр нийт 65 улсад онлайн худалдааг нэвтрүүлээд байна.

Үйл ажиллагааны төгөлдөршил

Монгол ноолуураар дэлхийд танигдсан компани байхын тулд бид үйл ажиллагаандаа олон улсын удирдлагын тогтолцоонуудыг нэвтрүүлэн, тогтвортой хөгжлийн чиг хандлагыг баримтлан хүн, амьтан, байгаль орчинд ээлтэй бөгөөд хэрэглэгч төвтэй үйлдвэрлэлийг явуулах, хэрэглэгчдийн хүлээлт, хүсэл сонирхолд нийцсэн чанартай, загварлаг бүтээгдэхүүнийг үр ашигтайгаар үйлдвэрлэн дэлхийн өнцөг булан бүрд нийцэмжит үнээр түгээхэд онцгой анхааран, тасралтгүй сайжруулалт хийн ажиллаж байна. Үүнд “Говь” ХК-ийн хамт олон, харилцагч компаниуд, хэрэглэгчид, малчид, бэлтгэн нийлүүлэгчид мөн хөрөнгө оруулагчид бүгд үнэтэй хувь нэмэр оруулж байна. Бид эдгээр оролцогч талуудынхаа эрх ашгийг хамгаалан, үнэ цэнийг нь улам бүр нэмэгдүүлэхийн төлөө хичээн ажиллаж байна.

gobi about us
gobi about us