Төлөөлөн удирдах зөвлөл
Говь ХК-ийн Төлөөлөн удирдах зөвлөл нь Хувьцаа эзэмшигчдийн хурлын чөлөөт цагт компанийн эрх барих байгууллага бөгөөд хувьцаа эзэмшигчдийн эрхийг хамгаалж, тэднийг төлөөлж компанийн үйл ажиллагааг ерөнхий удирдлагаар хангах, чиглүүлэх, үйл ажиллагаанд хяналт тавих, чиг үүргийг хэрэгжүүлдэг. ТУЗ-өөс жил бүр компанийн стратегийн зорилт, бизнес төлөвлөгөөг баталж, төлөвлөгөөний биелэлтийг сар тутмын тайлангаар хянан, холбогдох үүрэг, чиглүүлгийг өгч ажиллаж байна. Мөн дэргэдээ байнгын үйл ажиллагаатай Эрсдэл аудитын хороо, Нэр дэвшүүлэх хороо, Цалин урамшууллын хороодыг байгуулж, компанийн засаглалыг хэрэгжүүлэхийн зэрэгцээ, Эрсдэл аудитын хорооны харьяанд Дотоод аудитын нэгжийг ажиллуулан компанийн хэмжээнд дотоод хяналтыг хэрэгжүүлж байна.
Ердийн гишүүд
Ц. Баатарсайхан
ТУЗ-ийн дарга
Д. ХУЛАН
Б. АМАРСАЙХАН
Б. ОРГИЛ
Ц. ОРГИЛБОЛД
Б. ЦЭЭНЯМ
Хараат бус гишүүд
Д. ГЭРЭЛМАА
А. ЖАРГАЛМАА
Д. ХҮРЭЛБААТАР
Төлөөлөн удирдах зөвлөлийн дэргэдэх хороод
Эрсдэл, аудитын хороо
Хорооны дарга: А.Жаргалмаа Хорооны гишүүд: Д.Гэрэлмаа, Б.Цээням ТУЗ-ийн дэргэдэх Эрсдэл, аудитын хорооны зорилго нь компанийн санхүү, эдийн засгийн үйл ажиллагааны хяналтын тогтолцооны үр дүнтэй байдалд хяналт тавих, чиглүүлэх, дотоод хяналт, комплаенс болон эрсдэлийн удирдлагын тогтолцооны үр дүнтэй байдалд хяналт тавих, чиглүүлэх, хараат бус аудитын байгууллагатай харилцан, хуульд заасан чиг үүргээ хэрэгжүүлэх боломжоор хангах гэсэн үндсэн 3 чиг үүргийг хэрэгжүүлж ТУЗ-ийг эрсдэлийн удирдлага, комплайнс болон компанийн үйл ажиллагаа дахь хяналтын чиг үүргээ хэрэгжүүлэх нөхцөлийг бүрдүүлэхэд оршино. Эрсдэл, аудитын хороо нь шинэчилсэн Компанийн засаглалын кодекс болон Компанийн үйл ажиллагаатай уялдуулан 2026 оны 4-р сард хорооны үйл ажиллагааны журмаа шинэчилсэн.
Нэр дэвшүүлэх хороо
Хорооны дарга: Д.Гэрэлмаа Хорооны гишүүд: Д.Хүрэлбаатар, Д.Хулан ТУЗ-ийн дэргэдэх Нэр дэвшүүлэх хорооны зорилго нь ТУЗ-ийг Эрх бүхий албан тушаалтнууд буюу ТУЗ-ийн гишүүд, Гүйцэтгэх захирал, бусад Менежмент багийн удирдлагуудын залгамж халааны тогтвортой байдлыг хангах, тэдгээрийн ажил үүргийн тодорхойлолт, гэрээний нөхцөлийг тодорхойлох, ажлын гүйцэтгэл, үйл ажиллагаанд үнэлэлт дүгнэлт өгч хяналт тавин, чиг удирдлагаар хангах гэсэн үндсэн чиглэлээр чиг үүргээ хэрэгжүүлэхэд нь туслахад оршино. Нэр дэвшүүлэх хороо нь Компанийн засаглалын кодексийн дагуу 2023 оны 8-р сард хорооны үйл ажиллагааны журмаа шинэчлэн баталж, тус хорооны чиг үүрэгт ЭБАТ-уудтай холбоотой шүгэл үлээх системээр ирүүлсэн мэдээллийг шийдвэрлэх чиг үүргийг нэмж оруулав.
Цалин, урамшууллын хороо
Хорооны дарга: Д.Хүрэлбаатар Хорооны гишүүд: А.Жаргалмаа, Б.Оргил ТУЗ-ийн дэргэдэх Цалин, урамшууллын хорооны зорилго нь ТУЗ-ийг Эрх бүхий албан тушаалтнууд буюу ТУЗ-ийн гишүүд, Гүйцэтгэх захирал, бусад Менежмент багийн удирдлагуудыг цалин, урамшууллын талаар баримтлах бодлогыг тодорхойлох, Компанийн хэмжээнд баримтлах Цалин,урамшууллын бодлого, төлөвлөгөө, хөтөлбөрүүдийг тодорхойлох, хэрэгжилтэд хяналт тавих чиглэлээр чиг үүргээ хэрэгжүүлэхэд нь туслахад оршино. Цалин урамшууллын хороо нь Компанийн засаглалын кодексийн дагуу 2023 оны 8-р сард хорооны үйл ажиллагааны журмаа шинэчлэн баталсан.